Book Description

විද්‍යා ප්‍රබන්ධ චිත්‍රපටවල කතා සන්දර්භයේ ඉතා වැදගත් තේමාවක් ගැබ් කර ඇති අයුරින්ම 'Return of the Icarus'' ද කාලීන තේමාවක් ගැන කතාකිරීමට දරා ඇති තැත ප්‍රශංසනීය ය. දේව වාදය, අදේවවාදය, ආගම්වාදය, තාක්ෂණය හා මේ සියල්ල සමඟ මුසු බලලෝභීත්වය හා එහි අනිටු ප්‍රතිවිපාක පිළිබඳව පාවෙන අයිස් කන්දක ජලය මතුපිටට පෙනෙන භාගය මෙන් කතුවරයා මතුකොට දෙනුයේ දියෙන් සැඟවුණු භාගය බදු පුළුල් කතිකාවතකට මග පෙන්වමිනි. 'ඉකරස් පුනරාගමනය' වනාහි සැබැවින්ම ලාංකේය විද්‍යා ප්‍රබන්ධ සාහිත්‍යයේ පැවති අඩුවක් ඌණ පූර්ණය කිරීමකි. එහිලා කතුවරයා දක්වා ඇති දක්ෂතාවය ඔහුගේ වෙනත් කෘතීන් ද සොයා ගෙන කියවීමට සිත් පොලඹවන සුළුය.