Book Description

ලොව පුරා අතිශයින් ජනාදරයට පත් ‘Little House on the Prairie ’ කෘති මාලාව ලියූ ලෝරා ඉන්ගල්ස් වයිල්ඩර්ගේ අම්මා වූ කැරොලයින් ක්විනර් ගේ ළමා වියේ සිට යොවුන් විය දක්වා වූ ජීවිත කතාව Caroline Years නමින් පළ වී ඇති අතර, ‘වන වදුලේ පුංචි ගෙදර’ එම කැරොලයින් කතා මාලාවේ තෙවැනි කෘතියයි. මෙහි පළමු කෘති දෙක ‘පුංචි ගෙදර විත්ති’ සහ ‘සිව් මංසලේ පුංචි නගරය’ නමින් පරිවර්තනය කරන ලදී. Maria D. Wilkes විසින් රචිත Little Clearing In the Woods නමැති මේ කතාවේදී කැරොලයින් ක්විනර් ඇගේ අම්මා සහ සහෝදර සහෝදරියන් බෘක්ෆීල්ඞ්හි ඔවුන්ගේ නිවෙස අත්හැර දමා සුන්දර, වනගත පෙදෙසක ජීවත් වන්නට යන අයුරුත්, එහි දී හමුවන බාධක සහ අභියෝගවලට ඔවුන් දිරියසම්පන්නව මුහුණ දෙන අයුරුත් කියැවේ. කැරොලයින් ක්විනර්ගේ ළමා වියේ විචිත‍්‍ර මතකය දිග හැරෙන මේ කතා මාලාව ද ලොව පුරා හැම වයස් කාණ්ඩයක ම පාඨකයන්ගේ හද දිනා ගැනීමට සමත් ව තිබේ.