Book Description

අංශු උත්පලවණ්නා නානායක්කාරත් විසාලා නානායක්කාරත් එකම පවුලේ සොයුරියන් ය. එහෙත් ඔවුන්ගේ මව වූ ප‍්‍රියංවදා නානායක්කාරගේ වැඩි අවධානයත් ආදරයත් ලැබුණේ වැඩිමහල් දියණිය වූ විසාලාටය. ඒ පිළිබඳ අංශු සිටියේ බලවත් සිත් තැවුලෙනි. එහෙත් එයින් අක්කාගේත් නංගිගේත් සහෝදරත්වයට කිසිදු හානියක් සිදුනොවීය. ඔවුන් දෙදෙනාට එකිනෙකා නැතිවම බැරි විය. එතරම් සහෝදර පෙමක් ඔවුන් අතර විය. ප‍්‍රියංවදා නිතරම දුටුවේ අංශුගේ වරදකි. එහෙත් ඈ අම්මාහට පණමෙන් ආදරය කළාය. ගෞරය ආශිංශ ලංකාපුර ඔවුන් අතරට පැමිණෙන්නේ ඔය අතරතුරේදීය. ඔහුගේ හිත ඔහුටත් නොදැනුවත්වම අංශු වෙත ඇදීයන්නට වන්නේය. අංශු ද ඔහුගෙන් විශේෂත්වයක් දකින්නීය. එහෙත් ඈ නොසිතූ ලෙස ඇගේ සොයුරිය විසාලා, ගෞරයට ආදරය ප‍්‍රකාශ කරන්නේය. අම්මාගේ ආශිර්වාදය ද ඇයට ලැබෙන්නට විය. එම නිසාවෙන් ඔවුන්ගේ හිත් රිදවීමට නොහැකියාවෙන් ලතවෙන අංශු, ගෞරයගෙන් ඈත් වන්නට තීරණය කරන්නීය. ඔය අතර අංශු ප‍්‍රියංවදාගේ දියණියක නොවන බව අංශු දැනගත්තාය. එතැන සිට ඇගේ මුලූ ජීවිතයම වෙනස් වන්නේය.